Собранието денеска, во рамки на 40. седница, ја изгласа интерпелацијата за членовите на Судскиот совет – Весна Дамева, Павлина Црвенковска, Селим Адеми, Миљазим Мустафа и Тања Чачарова-Илиевска.
Со донесените поединечни заклучоци, се утврдува дека нивното дејствување значително придонело за нарушување на независноста, професионалноста и угледот на судството, како и за намалување на довербата на граѓаните во судскиот систем.
Дополнително, во заклучоците се наведува дека тие ја занемариле својата одговорност и не ја извршувале функцијата во рамки на Советот. Поради изгласаниот недоверлив став, се смета дека го губат легитимитетот за натамошно учество и одлучување во работата на Судскиот совет.