Премиерот на Црна Гора, Милојко Спајиќ, кој е во посета на Франција, изјави дека претседателот на таа земја Емануел Макрон на денешната средба во Париз рекол дека Црна Гора е првата следна членка на Европската унија и понудила експертска и друга помош.
Спајиќ за РТЦГ посочи дека средбата во Елисејската палата била „феноменална“ и дека Подгорица има голема поддршка од Франција, додавајќи дека двајцата разговарале за стратешки документ, кој ќе биде основа за партнерството меѓу двете земји и дека Макрон ја прифати ваквата иницијатива.
„Прво ќе работиме на одбраната, така што министрите за здравство ќе се сретнат во Париз за да работат на тој дел што се однесуваат на проекти во здравството. Ќе имаме и инфраструктура во контекст на развојот на автопатите и железницата, како и екологијата. Очекуваме забрзан развој на билатералните односи“, рече тој.Спајиќ.
Документот ќе се заснова на четири основи – одбрана, здравство, инфраструктура и екологија, додавајќи дека Црна Гора доби сериозен „ветер на грб“ од Франција.
Спајиќ го покани Макрон да дојде во Црна Гора за да прослави 20 години од обновувањето на независноста и понуди по тој повод да се организира Самит на Европската политичка заедница во Црна Гора, што францускиот претседател го прифати.
