Специјализантите стоматолози кои посветено ја вршат нивната работа, се уште не ја добиле првата плата. Министерството за здравство пред извесно време вети дека првата плата тие ќе ја земат во октомври годинава. Специјализантите се уште не потпишале никаков договор. Револтирани, го потсетуваат министерот Филипче за тоа што им го вети пред три месеци.
На 19 септември, по протестот на специјализантите, министерот за здравство, зачуден од нивниот протест, изјави дека проблемот е веќе решен и дека тие ќе почнат да земаат плати.
ТВ21 денеска контактираше со Министерството за здравство. Од таму велат дека веќе се договориле со Министерството за финансии и дека специјализантите ќе ги земат платите кои ги заслужиле. Но сепак, од таму, не прецизираа кога точно ќе се случи тоа.
„Министерството за здравство информира дека обезбеден е Буџет за исплата на стоматолозите специјализанти и средствата се префрлени на Универзитетската клиника за стоматологија. Приватните специјализанти по стоматологија ќе бидат целосно исплатени ретроградно за нивниот вложен труд“ – Министерство за здравство.
Специјализантите и понатаму бараат конкретни мерки. Според нив, ова е последната шанса за постигнување договор. Доколку не се преземе нешто, како што велат тие, ќе реагираат на порадикален начин. Инаку, специјализантите стоматолози плаќаат од 3 до 5 илјади евра за специјализација.
Репортер: Арменд Гаши