Српските студенти кои беа дел од блокадата ги повикаа луѓето да излезат на протест пред Вишото јавно обвинителство во Белград вечерва во 20 часот.
„Вчера бевме сведоци на брутално полициско насилство. Нашите пријатели и другари беа претепани до бесвест, полицијата не дозволи да помине ниту амбулантно возило. Голем број граѓани беа уапсени, меѓу кои и многу студенти. Денес имаме протест пред Вишото јавно обвинителство во 20:00 часот и ги молиме сите граѓани да останат и да ја поддржат борбата до крај.
„Сега не е време да се повлечете. Вашето присуство значи безбедност, поддршка, шанса за слобода за некого. Затоа ве покануваме да останете со нас! Се гледаме во ВЈТ, Савска 17а во 20 часот“, напишаа студентите во блокадата.
Денес беа уапсени неколку студенти. Властите тврдат дека тие планирале и подготвувале напади врз државни институции, блокади на патиштата, уривање на градилиштето Експо и други видови насилство со цел да предизвикаат хаос во земјата и насилно да го променат уставниот поредок.
