AlbanianBulgarianEnglishGreekMacedonianSerbianTurkish

СЗО: Авганистан има медицински материјали за само неколку дена

Светската здравствена организација (СЗО) следи 2.200 здравствени установи во 34 провинции во Авганистан, кои имаат резерви за само неколку дена. Аеродромот во главниот град Кабул не е безбеден за нивна испорака по терористичките напади таму, изјави претставник на СЗО.

На прес-конференција на ОН, д-р Рик Бренан, регионален директор на СЗО за Источен Медитеран, рече дека можеби ќе треба да започне пристигнувањето медицински материјали на меѓународниот аеродром Мазар-и-Шариф во северен Авганистан.

На истата прес -конференција, портпаролот на Канцеларијата на ОН за човекови права, Руперт Колвил, го осуди терористичкиот напад околу аеродромот, во кој загинаа најмалку 110 луѓе, јави Анадолската агенција.