Талат Џафери констатираше – Зоран Заев е поранешен премиер на Северна Македонија

Денеска во Собранието, претседателот Талат Џафери ја констатираше оставката на премиерот Зоран Заев.

Со констатирањето на оставката на Заев, исто така во оставка е и целиот негов кабинет, со што почнуваат да течат уставните рокови за избор на нова Влада.

Ваквиот чекор на Заев следуваше по лошиот резултат на локалните избори, кога си поднесе оставка и од местото претседател на СДСМ, а за негов заменик беше избран Димитар Ковачевски, кој пак се смета дека ќе биде новиот мандатар.

Џафери посочи дека Владата останува на должност се до изборот на новата Влада.

„Резултатите на последните избори, иако беа локални, за политичкиот момент во кој се наоѓа земјата имаа и национална политичка тежина. Во вакви услови, за мене лично и за мене како премиер, заради политиките во кои верувам, заради демократските и европските вредностите во кои верувам, политички неодговорно и неоправдано пред мојот народ и мојата земја би било јас лично  да продолжам да ја водам Владата на евроатланскиот пат. Сметам дека друг премиер од редовите на СДСМ тоа ќе може да го оствари на подобар начин, со успех и за граѓаните и за државата. резултатите на последните избори, иако беа локални, за политичкиот момент во кој што се наоѓа земјата имаа и национална и политичка тежина“, наведе Заев во оставката.

Поврзани вести

Најважното