Лохани Сантос е 26-годишна њујорчанка од Бруклин, која на Тик Ток се пожали дека нејзините обиди да оди од врата до врата со надеж дека ќе најде работа не испаднале како што очекувала.
Во видео кое е прегледано дури 24 милиони пати, девојката е со солзи по неуспешен обид да бара работа.
Држејќи куп резимеа во раката на улиците на Њујорк, таа објасни како се чувствувала засрамено откако ја одбиле бројни работодавци кога ги прашала дали вработуваат, пишува магазинот City.
„Искрено, малку ми е непријатно бидејќи буквално аплицирам за работни места со минимална плата. Не го очекував ова. Имам две дипломи, комуникација и глума, зборувам три јазици…“ низ солзи изјави таа.
@lohannysant I got tear stains on my resume 😔😔😔 #nyc #unemployed ♬ original sound – Lohanny
„Ова е срање, јас само сакам да бидам тик ток девојка, да бидам искрена, но не можам повеќе да се залажувам, морам да почнам да заработувам. Ќе продолжам да се трудам“, заклучи таа.
Откако го објави видеото, Сантос доби голема поддршка и совети како да најде работа.
