Популарниот тиктичар Франческо Лопрести почина по долго и тешко боледување на 24-годишна возраст.
На Лопрести му бил дијагностициран рак на тестисите кога имал 17 години, а тажната вест ја објави неговата долгогодишна девојка Кејтлин Реган, која исто така е тик токерка.
– Тешко ми беше да го снимам ова видео. Затоа не одговарав. Помина една недела откако го нема. Заслужувате да знаете дека тој многу ве сакаше и дека ценеше се што правите за него, дека ги гледате нашите снимки и бевте наша поддршка. Благодарам – рече таа.
Лопрестија на социјалните мрежи го следеа 700 илјади луѓе, а покрај девојката од него се простиле и неколку пријатели и колеги.
– Те сакам и скршена сум. Ти и јас против светот, засекогаш. Ви благодариме за оваа вистинска љубовна приказна – изјави Реган.
Двајцата се заедно од 2013 година, а една година подоцна му беше дијагностициран рак во третата фаза. Ракот метастазирал во лимфните јазли, црниот дроб, вратот и ‘рбетниот мозок.
Годинава Лопрести објави само две видеа на Тик Ток, а фановите беа загрижени за неговиот изглед. Носеше капа на главата во февруари, откако остана без косата поради хемотерапија.
Четири дена пред неговата смрт, Реган ги замоли фановите да се молат за него.
@kaitlin_reagan I love you guys, and I ask you keep him in your prayers. We are in a hospice stage. Please stand with us, and pray. Thank you so much❤️ #prayers
