Педесет и петгодишен маж починал на самото место кога го удрил воз во Зајечар кај улицата Црвена Армија.
Несреќата се случила околу 6 часот и 30 минути, а возот од Зајечар тргнал кон Прахово.
– За неколку минути на самото место пристигнаа нашите патроли, а набрзо и брзата помош. За жал, помош немало, мажот починал на самото место. Возот го влечел по шините неколку метри и телото на несреќниот човек било распарчено – дознаваме неофицијално.
Иако било рано, неколку минувачи виделе што се случува, па повикале полиција.
– Сите минувачи го кажаа истото. Го виделе тој човек како се крие, а кога го слушнал возот почнал да се прикрадува кон шините. Во моментот кога проценил дека се приближува локомотива, несреќниот човек скокнал под неа. Машиновозачот веднаш почна да кочи со сета сила, но несреќата не можеше да се избегне – велат надлежните.
Според исказите на очевидци оваа несреќа е прогласена за самоубиство.
Поради оваа несреќа, „Србијавоз“ објави известување дека има промена во возниот сообраќај на релација Заечар – Прахово приштаниште.
