Министерството за надворешни работи на Украина ја повика Европската унија, земјите од Г7 и другите партнери да ги разгледаат сегашните санкции против руската нуклеарна компанија Росатом, поврзаните компании и институции и против клучните руски претставници во нуклеарниот сектор, се вели во соопштението на Министерството.
Украина смета дека декретот на рускиот претседател Владимир Путин за формализирање на контролата на нуклеарната централа Запорожје е „злосторство што дополнително ги зголемува ризиците и заканите за нуклеарната безбедност предизвикани од руската окупација на електраната“. Советникот на претседателот, Михајло Подољак, декретот го нарече обид за напад. Подољак повика на санкции и прекин на секаква соработка со Русија во нуклеарниот сектор.
An attempted legal raid on the ZNPP from Russia requires an immediate response:
1. Sanctions against Rosatom.
2. To stop all construction of nuclear facilities with the participation of Russia.
3. Refusal of any partnerships with Russia in the nuclear industry.— Михайло Подоляк (@Podolyak_M) October 5, 2022