Воиниците од 46. воздушно-јуришна бригада на украинската армија осмислиле необичен, но ефикасен начин за соборување руски дронови – користејќи стап за риболов монтиран на сопственo беспилотнo летелo.
На снимката што ја објави бригадата се гледа како украински дрон од типот Mavic е опремен со рибарски стап и конец, на чиј крај има мал тег што служи за одржување на затегнатоста. Со оваа техника веќе успешно биле соборени најмалку два руски квадрокоптери, пишува Euromaidan Press.
Методата е едноставна: украинскиот дрон му приоѓа на рускиот одозгора, а рибарскиот конец се заплеткува во елисите на роторот. Тоа предизвикува губење контрола и пад на непријателскиот дрон.
Ukraine demonstrated an unconventional drone interception method with a fishing rod mounted on a Mavic quadcopter
This step successfully downed at least two Russian drones
Ukraine’s 46th Airmobile Brigade pic.twitter.com/PIVMuR3OGG— Euromaidan Press (@EuromaidanPress) January 11, 2026
Ограничувања на методата
На истата снимка е прикажан и неуспешен обид за пресретнување на брз „камиказa“ дрон од типот Molniya, што покажува дека методата е помалку ефикасна против побрзи или аеродинамично поразлични летелки.
Иако изгледа како импровизација, принципот на кинетичко пресретнување на дронови не е нов и се применува од средината на 2024 година, кога почна масовната употреба на FPV-дронови пресретнувачи. Претходните методи вклучуваа монтирање крути шипки на дронови за да се удри во пропелерите на непријателските летелки. Но таквите судири често доведуваа до пад на двата дрона – и метата и пресретнувачот.
Употребата на конец со тег претставува значително побезбедно решение. Конецот може да се одвои од дронот-пресретнувач по заплеткувањето во метата, со што рускиот дрон се соборува, а украинската летелка останува неоштетена.
