Регулаторната комисија за енергетика утре на прес-конференција ќе ги соопшти одлуките за цената на преносниот и дистрибутивен систем за електрична енергија, вклучувајќи ги МЕПСО, Електродистрибуција и МЕМО.
АД ЕСМ на последниот тендер на ЕВН ХОУМ понуди цена од 62 евра за мегават-час, што е за два евра повисоко од досегашната цена која ја продавала на универзалниот снабдувач. Оваа цена ќе има големо влијание на конечната цена на струјата за граѓаните од 1 јануари.
Премиерот Христијан Мицкоски во неколку наврати истакна дека не очекува значајни промени во цената на струјата. Ако има зголемување, според него, тоа ќе биде минимално, од еден до три проценти.