Откако голем број на држави започнаа да тужат поради доцнењето на испораките со Фајзер вакцината, Македонија започна да бара и алтернатива.
Според министерот за здравство, Венко Филипче и останатите вакцини се добри и проверени. Во интервју за ТВ21 вели дека започнати се интензивни преговори за набавка на кинеската вакцина.
Процесот за вакцинација ќе започне во февруари, а први предност ќе имаат ризичните групи, медицинските работници, а потоа и наставници, новинари, службеници…
Кинеската вакцина нема добиено зелено светло од Европските регулативи, но министерот за здравствено Венко Филипче вели дека тоа не е проблем за таа да се набави и користи во земјава.
„И во Кина и во Русија и во било која друга земја која што ќе започне се сосема доволни националните агенции за лекови. Сега и во Германија се појавува нова вакцина“, рече Филипче во интервју за ТВ21.
Министерот Филипче во емисијата „10 минути“ на ТВ21 вели дека Македонија целосно е подготвена за вакцините.
„Точно знаеме каде ќе се чува, без разлика да е вакцина на Фајзер која се чува на -70 степени или станува збор за останатите вакцини, некои на -20 или пак на вообичаена температура од 2 до 8 степени“, потенцираше Филипче во „10 минути“.
Системот „Мој тремин“ ќе ја има клучната улога во спроведувањето на вакцинацијата која според најавите на министерот Филипче треба да започне во февруари.