Британската министерка за надворешни работи Ивет Купер во четврток ќе порача дека пловидбата низ Ормускиот теснец, кој е клучен за глобалното снабдување со енергенси, мора да остане бесплатна. Со тоа Лондон се спротивставува на намерата на Иран да воведе наплата за премин низ овој витален поморски пат, преку кој се транспортира околу една петина од светската нафта и гас, пишува Ројтерс.
Порака до Иран
Иран претходно најави дека сака да воведе такси за премин на бродови низ Ормускиот теснец, кој пред американско-израелската војна со Иран имаше статус на меѓународен пловен пат. „Основните слободи на море не можат еднострано да се укинуваат ниту да се продаваат на поединечни понудувачи. Исто така, на меѓународен пловен пат нема место за наплатни пунктови. Слободата на пловидба значи дека пловидбата мора да биде бесплатна“, стои во извадоци од говорот што Купер ќе го одржи во Лондон.
Повик за примирје
Купер ќе ги повтори и повиците на светските лидери до Либан да се приклучи кон двонеделниот прекин на огнот што во вторникот го договорија Иран и Соединетите Американски Држави. Во меѓувреме, Израел во средата ги изведе досега најголемите напади врз Либан, таргетирајќи позиции на милицијата Хезболах, поддржана од Иран.
