Ветераните на Ослободителната војска на Косово (ОВК), кои се собраа пред косовскиот парламент, ги скршиле оградите и влегле во дворот на зградата, при што повредиле еден косовски полицаец, пишува Економијата онлајн. Полицијата употреби солзавец за да ги растера. Брзо пристигнаа и претставници на специјалните сили на Косово.
Протестот почна мирно пред пладне, пред собраниската седница на чиј дневен ред е предлог-законот за минимална плата.
Подоцна, пак, ветераните на ОВК ги пробиле заштитните огради и се обиделе да влезат во зградата. Тие сакаат да присуствуваат на состанокот.
Нивниот претставник Фатон Клинаку рече дека законот за минимална плата не треба да се гласа во парламентот, бидејќи според него законот е обид да се игнорираат ветераните (од војната 98/99).
„Треба да протестираме за важноста на оваа војна. Имавме состанок со владата и го изразивме нашиот став“, рече тој.
