Италијанската полиција приведе двајца млади момчиња кои во петокот наутро се качиле на главната кула на миланската катедрала додека вежбале паркур.
Младите мажи на возраст од 18 и 20 години се од Франција и се членови на групата паркур, јавуваат италијанските медиуми.
Кога нешто по 06:00 часот ги забележале случаен минувач и полицијата, тие доброволно се симнале од катедралата и биле приведени, објави на социјалната мрежа Икс (Твитер) градскиот советник за безбедност и цивилна заштита, Марко Гранели. .
Сакале да се искачат на позлатената статуа на Богородица на врвот на главната кула, на околу 108,5 метри над земјата.
Имале мобилни телефони и камери за да ја снимаат нивната авантура.
Се сомневаат дека преку ноќ се криеле во катедралата за да го снимат нивното искачување рано наутро.