Неколку лица загинаа во градот Нешвил, во американската сојузна држава Тенеси, кога мал авион се урна во близина на автопат, соопшти полицијата.
Како што се наведува, едномоторниот авион во понеделникот вечерта се урнал на тревна површина во западниот дел на градот, а потоа избил пожар во авионот.
JUST IN: ⚠️ Plane crashes in West Nashville near I-40, multiple fatalities have been reported..
DEVELOPING..
— Chuck Callesto (@ChuckCallesto) March 5, 2024
Според полицискиот извештај, во авионот имало неколку лица и се верува дека сите загинале, а точниот број на жртви не е утврден, изјавил портпаролот на полицијата, пренесува АП.
На автопатот нема повредени возачи, а на терен нема оштетени возила или објекти.
Управата на аеродромот во Нешвил соопшти дека Националниот одбор за безбедност на транспортот и Федералната администрација за авијација на САД ќе спроведат истрага за инцидентот.