Силното невреме што попладнево го зафати Скопје предизвика сериозни последици, а има и повреден граѓанин.
На Јужен Булевар паднало дрво врз човек, при што тој се здобил со тешки повреди. Екипите на итната медицинска помош интервенирале на местото и повредениот бил пренесен на лекарски преглед.
Силниот ветер предизвика штети низ повеќе делови од градот – паднати дрвја, оштетени објекти и летечки предмети кои претставуваа опасност за граѓаните.
Надлежните служби се на терен и интервенираат по пријавите за последици од невремето.