Силни експлозии го потресоа Дубаи утрово, испраќајќи густ црн чад над делови од финансискиот кварт на градот по пожарот во индустриска зона, соопштија локалните власти.
Пожарот избувнал во квартот Ал Куоз, а според Асошиејтед Прес, многу минувачи застанале да го гледаат огромниот столб од чад што се издига над градот. На новинар на АП не му било дозволено да се приближи до местото на пожарот, кој бил на улица без излез.
Службата за медиуми на владата на Дубаи соопшти на социјалните мрежи дека инцидентот се случил откако фрагменти од пресретната ракета паднале врз зграда во центарот на градот.
BREAKING: The International Financial Centre in Dubai has just been struck by Iranian drone. pic.twitter.com/aGJTAvbM3S
— MonitorX (@MonitorX99800) March 13, 2026
„Фрагментите по успешното пресретнување предизвикале мал инцидент на фасадата на зграда во центарот на Дубаи“, соопштија властите. Тие додадоа дека никој не е повреден во инцидентот, иако густиот чад од пожарот можел да се види од поголемиот дел од градот, па сè до луксузниот хотел Бурџ ал-Араб во форма на едро.
Конфликтот меѓу САД и Иран започна на 28 февруари кога американските и израелските сили започнаа координирани воздушни напади врз цели низ Иран, вклучувајќи воени бази, системи за воздушна одбрана и политичкото раководство на земјата.
Authorities confirm that debris from a successful interception caused a minor incident on the façade of a building in central Dubai. No injuries have been reported.
— Dubai Media Office (@DXBMediaOffice) March 13, 2026
Иран одговори со лансирање стотици ракети и беспилотни летала врз Израел, американски воени бази и сојузници на САД во регионот, вклучувајќи ги и земјите од Персискиот Залив.
Од почетокот на војната, нападите се проширија низ поголемиот дел од Блискиот Исток, таргетирајќи бродови и енергетска инфраструктура во Персискиот Залив, нарушувајќи го поморскиот сообраќај и глобалниот пазар на енергија.
