Матео Мариоти (20) од Парма имал средба со ајкула во Австралија, поради што му била ампутирана левата нога под коленото, пишува „Кориере дела сера“. Сцената на нападот ја снимил со камера, а на својот „Инстаграм“ профил им се заблагодарил на пријателите и на сите кои му праќале пораки на охрабрување и поддршка.
„Ми давате сила да го надминам овој страшен момент. Повторувам: „вие сте моите херои“. Во петокот дознав дека починал мојот дедо Џовани. Морав да се опуштам и мислев дека ќе пливам во близина на брегот. Зедов мала камера за снимање риби, но по неколку чекори почувствував страшна болка во стопалото“, изјави Мариоти.
Тој беше на плажата 110, позната локација во Квинсленд. Беше во вода длабока еден метар.
„Тој не ја виде ајкулата како доаѓа. Три пати го нападна одзади. За неколку секунди го одвлече во длабоката вода за да го растргне, како што прават со пленот. Ова го знам затоа што сум нуркал во различни делови на светот и се најдов меѓу ајкули. Матео беше силен, ладен и храбар. Ја отвори устата на ајкулата со рацете за да ја извади ногата“, рекол таткото на Матео.
На социјалните мрежи се појави видео од нападот на ајкулата врз Матео Мариоти. Ве предупредуваме дека видеото има ВОЗНЕМИРУВАЧКА содржина.
#WATCH: Shark attack survivor FILMS immediate bloody aftermath of bite off the coast of Australia that has cost him his leg: 'I wanted to say goodbye. I never thought I would survive'
Heart-pounding footage shows the moments after 20-year-old Matteo Mariotti, an Italian… pic.twitter.com/C3bEqafqNS
— Unlimited L's (@unlimited_ls) December 12, 2023
На страшната снимка се гледа како водата поцрвенува за неколку моменти од големо количество крв. Може да се слушне и врисоци упатени кон Томасо Агости, инструкторот за нуркање кој бил на плажата.
Томазо го спасил Матео, го извлекол на брегот, му ја преврзал ногата за да го запре крварењето и повикал помош. Мариоти бил пренесен во болница и веднаш бил однесен на операција.