По големиот хит „Мики Милане“ на Вера Матовиќ, кој воскресна на ТикТок, на оваа социјална мрежа се вртеше уште еден балкански хит, па дури стигна и до домот на Кортни Кардашијан, една од членките на ријалити семејството Кардашијан.
Песната „Хеликоптер, хеликоптер“ во изведба на пејачoт Фазлија од Босна и Херцеговина, објавена во 2016 година, стана апсолутен хит и светски тренд.
Најстарата од семејството Кардашијан Кортни Кардашијан со своето момче Тревис Баркер и ќерката Пенелопе сними видео во кое изведува популарна кореографија.
Таа, нејзината ќерка и вереникот танцуваа на мелодијата на овој народен хит, а потоа Тревис ја прегрна Кортни и двајцата се насмеаа.
„Да ми кажеше некој дека ќе ја видам Кортни Кардашијан како се врти покрај хеликоптер, хеликоптер, немаше да му верувам“, гласи еден домашен коментар на социјалните мрежи.
@pandkourt ♬ Helikopter – Fazlija
