Меѓу повредените во страшната несреќа во Венеција кога автобусот излетал од патот има и двајца хрватски државјани, жена и маж кои се во многу тешка состојба.
Како што пренесува Index.rs, меѓу хоспитализираните патници се четворица возрасни и двајца браќа од Германија на возраст од седум и 13 години. Како што неофицијално дознава Слободна Далмација, станува збор за млад брачен пар на околу 20-тина години, кој се венчал пред дваесетина дена, а заминал на свадбено патување во Италија.
Двајцата биле оперирани и се смета дека се надвор од животна опасност. Бидејќи ги изгубиле двајцата родители, им била укажана психолошка помош.
EL VIDEO DEL MOMENTO EXACTO EN EL QUE BUS CAE POR LA AUTOPISTA EN MESTRE, VENECIA. https://t.co/OMm9buspJp pic.twitter.com/nQSCEZLJSz
— AhoraRoma.com (@AhoraRoma) October 4, 2023
Тешко повредена е и жена од Шпанија. Таа се здобила со изгореници на 60 отсто од телото.
Да потсетиме, најмалку 21 лице загина, а повеќе од 20 се повредени при пад на автобус со туристи од надвозник.
Официјални лица изјавија дека возилото паднало на далноводи и се запалило.
Причината за несреќата се уште не е утврдена.