Обилниот дожд и зголемувањето на нивото на реките и водотеците предизвикаа големи проблеми во Тирол. Во моментов најпогодени се окрузите Имст и Инсбрук-Ленд. По поплавите и одроните, патиштата и железницата беа затворени. 2500 пожарникари се ангажирани во поплавите во Тирол. Состојбата во областа Имст е особено тешка. Според проценките, таму може да се очекува повторно да се зголеми нивото на Ötztaler Achea, пишува Kronen Zeitung.
Im Ötztal wurde heute Vormittag HQ100 überschritten, ein Wasserstand der Ache, der statistisch alle 100 Jahre erreicht wird. Das Tal ist derzeit nicht erreichbar. Und auch im Stubai-, Wipp- und Zillertal gibt es Überflutungen und Murenabgänge.
🎥 Tirols Wetter- und Infodienst pic.twitter.com/Xs5v5JjHsD— Manuel Oberhuber (@manu_oberhuber) August 28, 2023
30 домаќинства со околу 70 луѓе беа евакуирани во Тумпен (област Рид) во Оцтал. Тие се наоѓаат во локалниот дом и во противпожарната станица. Во познатиот зимски спортски центар Зелден, сите мостови се затворени како мерка на претпазливост. Три куќи се евакуирани и во Јерзенс. Во тој реон снемало и струја.
Утрово, оперативното раководство на противпожарната служба во Инсбрук одлучи да ја активира мобилната заштита од поплави во областа Сил. Затворена е пешачката и велосипедската патека од Раполдипарк до мостот Прадлер. Мостовите ги контролираат пожарникари, пишуваат австриските медиуми. „Ситуацијата е сè уште тензична и внимателно се следи. За да се обезбеди најдобра можна координација низ целата земја, сега е активирано државното оперативно управување“, рече државниот советник за безбедност Астрид Мајр.
Der #Hinterrhein bei #Andeer führte gestern Abend sehr viel Wasser. Das Überqueren dieser Brücke wird nicht empfohlen. ^gf pic.twitter.com/zof2mKnQUh
— SRF Meteo (@srfmeteo) August 28, 2023
Силно невреме ја зафати и Баварија, во градот Бад Баерсоиен ветерот ги разнесе покривите од куќите. Во меѓувреме, повеќе од 350 милиметри дожд наврнаа во швајцарскиот кантон Тичино во последните 72 часа. Пообилни врнежи денеска се предвидуваат главно за Предарље, Тирол, Солнограшка и Корушка, каде на места веќе врне дожд. Метеоролошката служба ГеоСфера Австрија предупредува на можност од лизгање на земјиштето и поплави.
Според прогнозите врнежите од дожд во поголем дел од земјава ќе траат до вторник. Може да падне од 60 до 100 милиметри врнежи, на некои места од 150 до 200 милиметри, особено во централниот дел на Алпите. Во австриските региони Штаерска и Градишка се очекуваат повремени обилни врнежи и грмежи. Во среда се очекува врнежите да престанат насекаде. Во четврток се очекува да биде променливо сончево, иако се уште се можни врнежи од дожд.
Обилните дождови во неделата го зафатија и југот на Германија. Во градот Штраубинг поплавени се улици и подруми, многу патишта се затворени поради паднати дрвја.
Според пишувањето на германските медиуми, во градот Бад Баерсојен, невреме со град и силен ветер однело покриви од 150 куќи, а многу возила биле оштетени. Во квартот Камер во Траунштајн, кран се превртел врз куќа поради невреме.
Силни бури, урагански ветрови и град со големина на ореви ја опустошија и Италија. Силниот ветер и грмотевиците оштетија десетици автомобили и згради, а пожарникарите беа на терен цела ноќ.
Tra Francia e Italia, la comunicazione ferroviaria è stata interrotta a causa di una frana nel dipartimento francese della Savoia. pic.twitter.com/2PcwD5An1t
— Gianluca (@Gianl1974) August 28, 2023
Меѓународните железнички врски меѓу Италија и Франција преку тунелот Фрежус беа прекинати „на неодредено време“ поради големо лизгање на земјиштето во француската област Савој што граничи со Пиемонт, соопшти денеска италијанско-француската меѓувладина комисија за железничката линија Торино-Лион.
Одронот се случил во долината Мориен во неделата попладне, јавува италијанската новинска агенција АНСА. Комисијата соопшти дека францускиот железнички оператор Sncf ги блокирал сите возови на нивните појдовни станици и дека може да поминат денови, а можеби и недели пред да се обноват услугите.
