AlbanianBulgarianEnglishGreekMacedonianSerbianTurkish

ВИДЕО: Нов пожар во ковид-болница, најмалку девет лица загинаа во Романија

Во пожар кој утрово изби во болница во романскиот град Констанца загинаа најмалку 9 лица.

Во тек е евакуација на пациентите и вработените во болницата за инфективни болести.

„Потврдуваме дека има мртви“, навеле од Министерството за здравство. Додале и дека во болницата биле сместени 113 пациенти, од кои 10 биле на интензивна нега.

Пожарот во меѓувреме бил изгаснат, а Ројтерс наведува дека во таа болница се лекувале само заразени од Ковид 19, како и дека досега се евакуирани 50 пациенти и префрлени во други болници.

Според Инспекторат за итни случаи, пожарот избил на првиот спрат од зградата, а засега не е познато дали избил на одделението или во лекарската ординација.

Работите дополнително биле отежнати поради фактот што имало пациенти кои се неподвижни.

Некои од пациентите биле евакуирани преку прозор.