На Канарските острови пилотот побарал 20 патници да го напуштат авионот бидејќи леталото било претешко.
На социјалните мрежи е објавено видео на кое се слуша како пилотот на компанијата „EasyJet“ им се обраќа на патниците упатувајќи неверојатно барање. Бидејќи авионот бил премногу тежок за безбедно да полета од аеродромот Ланзароте на Канарските острови поради силните ветрови, високите температури и должината на пистата, тој побарал 20 доброволци да излезат за да го напуштат авионот.
Снимката беше објавена на Твитер со опис: „Капетанот на летот на easyJet U23364 меѓу аеродромот Ланзароте и Ливерпул имаше невообичаена ситуација да побара 20 патници да го напуштат летот, бидејќи пресметал дека авионот е премногу тежок за безбедно да полета поради силен ветер, висока температура и должина на пистата Им нуделе 500 евра“, пишувало на социјалната мрежа.
#easyJet's Captain asked 20 passengers to leave the aircraft because it was overweight and wouldn't be able to takeoff from #Lanzarote due to wind and warm weather. The flight from Lanzarote to #Liverpool was delayed by about 2 hours.
🎥 ©razza699/TikTok#Spain #uk #aviation pic.twitter.com/oa8pi4Imox
— FlightMode (@FlightModeblog) July 8, 2023
Пилотот го започна своето обраќање до патниците со заблагодарување на патниците. „Ви благодариме на сите што сте тука. Бидејќи ве има толку многу на летот, имаме авион кој е претежок денес. Авионот, во комбинација со кратката писта на аеродромот Ланзароте, ветерот и временските услови, е премногу тежок да полетам.Зборував со мојот прв офицер, имаме искуство во ова, тоа го правевме и претходно и заклучивме дека авионот не е безбеден за полетување поради сето горенаведено.Разговарав и со тимот од компанијата и заклучивме дека единствениот начин да летаме безбедно е да го направиме авионот полесен при полетувањето“, рече пилотот.
После тоа, тој побара да се јават 20 волонтери кои нема да летаат за Ливерпул и истакна дека таквите патници ќе добијат 500 евра.