Илјадници Унгарци се собраа на протести во Будимпешта против предлог-законот за измена на законот за работни односи, со кој работодавачот може да бара прекувремена работа во траење од 400 часа.
Масовни протести од вчера започнаа во Будимпешта против како што велат демонстрантите т.н „Закон за робови“. Полицијата до сега има уапсено повеќе од 40 лица, а употребува солзавци, водени топови и шок бомби за справување со толпата.
„Протестираме против новиот закон со кој се зголемува бројот на прекувремени работни часови од 250 на 400. Ваквите закони не враќаат во робовладетелството. Ова е „робовладетелски закон“ – велат од Унијата на синдикални организации.
.