Мразот се топи на Бајкалското Езеро, кое е познато како најдлабокото езеро во светот, а се наоѓа помеѓу на југот на Сибир, во Руската Федерација, јавува Анадолија.
Езерото во близина на монголската граница ги маѓепсува своите посетители со прекрасен пејсаж. Посебно во зимската сезона, езерото е првиот избор на љубителите на риболовот и природата.
Езерото на посетителите им нуди можности како што се риболов, возење скутер и дружење во паркот на природата. Езерото се наоѓа во југоисточен Сибир помеѓу регионот Иркутск и Република Бурјатија.
Шумите околу него се прогласени за парк на природата. Познато е и како „Синото сибирско око“.
Со длабочина од 1.620 метри и површина од 31.500 квадратни километри, содржи повеќе од 20 отсто од светските резерви на слатка вода. Долг е 636 километри и широк 79,5 километри. Водата на Бајкалското Езеро се користи за пиење.
Во и околу езерото има многу уникатни растителни и животински видови, како што е Бајкалската фока. Тоа е единствениот вид слатководна фока во светот.
Поради нивното скапоцено крзно, тие се честа мета на ловокрадците.