Мотор на авион што летал од Крф до Дизелдорф се запалил за време на летот.
Во авионот имало 273 патници, претежно германски туристи.
Инцидентот на летот DE3665 за Дизелдорф, кој превезувал претежно германски туристи, го виделе десетици локални жители и посетители на Крф, кои го снимале на своите мобилни телефони, а многумина пријавиле оглушувачки звук, како експлозија, што доаѓал од авионот.
✈️Boeing 757 flying from Corfu to Düsseldorf caught fire mid-air — passengers were already saying goodbye to their loved ones
— NEXTA (@nexta_tv) August 18, 2025
Right after takeoff, the Condor airline plane’s right engine burst into flames.
There were 273 people on board. Passengers recall loud bangs, fire, and… pic.twitter.com/ZtoBu6JrPp
Десниот мотор откажал и се запалил додека авионот сè уште бил во режим на полетување, а пилотите го деактивирале пред да може да предизвика понатамошна штета. Боингот во тој момент летал над пристаништето на Крф.
Потоа пилотите го свртеле авионот надесно, паралелно со пистата, додека аеродромот на Крф бил ставен во црвена тревога и биле имплементирани сите протоколи за итно слетување.
Сепак, тоа не се случило бидејќи пилотите одлучиле дека можат да го продолжат летот со еден мотор. Потоа авионот се искачил на висина и слетал на аеродром во Италија.
Според германската телевизиска мрежа RTL, пилотите биле принудени да го сменат курсот кон Италија бидејќи дефект на моторот не им дозволил да го продолжат летот кон Дизелдорф, пренесува Блиц.
