Силно невреме го погоди Белград и делови од Србија во раните попладневни часови. Пет лица беа повредени, а имаше и голема материјална штета, но најважно од сè, немаше жртви.
Бурните ветрови соборија кран на градилиште во Нов Белград, превртија приколка за трактор, а се појавија снимки од Ледине во близина на Сурчин, каде што бројни станбени згради останаа без покриви. Снимките се морничави и чудо е што сите луѓе во областа се спасија неповредени.
Како што може да се види на снимките, најмалку две згради останаа без покриви. Ветерот дуваше толку силно што ги крена покривите неколку метри во воздух, а потоа ги однесе.
