Пожар избувна попладнево кај селото Делисинци (околина на Свети Николе) и поради силниот ветер со брзина од 80 км/ч брзо се прошири, зафаќајќи неколку куќи.
Огнената стихија веќе навлегува во борова шума, заканувајќи се на пошироко подрачје.
На терен интервенираат екипи, но ветерот го отежнува гаснењето. Надлежните апелираат за претпазливост и повикуваат на итна помош.