Од СВР Скопје информираат дека вчера сообраќајната полиција открила и санкционирала поголем број прекршоци. Девет возачи се движеле со брзина поголема од дозволената, двајца возачи поминале на крстосница на црвено светло и тројца возачи не поседувале пропишана зимска опрема во возилата.
Шест лица се здобиле со лесни телесни повреди во три од вкупно 11 сообраќајки случени во текот на вчерашниот ден во Скопје. Во осум сообраќајки била причинета материјална штета.
Од сообраќај биле исклучени вкупно осум возачи, од кои еден возач кој го управувал возилото под дејство на алкохол, шест возачи пред да се стекнат со право на управување, еден возач почетник, како и пет технички неисправни возила и пет нерегистрирани возила.
Затекнати биле 65 возила непрописно паркирани.
Со помош на специјалното возило пајак, отстранети биле 57 возила.
