„Зоран Заев и ненародниот СДСМ ја завија државата во црно. Правната држава и владеењето на правото се мисловен поим со СДСМ на власт, а институциите се користат за хајка на политички неистомисленици.
Правосудните органи не одлучуваат врзз основа на закон, туку врз основа на политички диктат.
Политички се гонат неистомислениците на Зоран Заев, а во исто време против репрезентите на актуелната власт не е подигнато ниту едно обвинение.
Безбедноста е нарушена. Секојдневно се случуваат убиства, грабежи и се палат автомобили, а никој за тоа не одговара.
Економијата скоро две години е завиена во црно, образованието е зацрнето, земјоделието запустено и оцрнето. Секој еден сегмент во државата е запоставен.
СДСМ мора да одговара за хаосот во кој ја втурна Република Македонија“, одговораат од ВМРО-ДПМНЕ на соопштението на СДСМ.
