Полицијата во Бугарија соопшти дека разбила синџир шверцери, наводно одговорни за смртта на 18 мигранти во напуштен камион еден ден претходно и обвиниле шест лица, од кои пет се во притвор и шести се бара.
Државниот јавен обвинител Борислав Сарафов во Софија зборуваше за организирана криминална група која собира мигранти на надворешната граница на Европската унија со Турција и ги носи на патот на граничниот премин со Србија.
Да потсетиме, вчера полицијата пронајде безживотни тела на 18 мигранти од Авганистан, меѓу кои и едно дете, скриени под дрва и прошверцувани во Турција и Бугарија, а се претпоставува дека се задушиле во напуштен камион во близина на Софија. Останатите 34 лица од камионот се пренесени во болница и се во стабилна состојба.
Мигрантите умираа полека и во болки
Бугарското државно обвинителство покрена обвинение против шест лица за трговија со луѓе и смрт на мигранти. Сарафов рече дека 18 жртви починале од недостиг на кислород во затворениот простор и отежнато дишење бидејќи биле затворени како во конзерва.
Жртвите починале бавно и болно, пренесува Ројтерс. Инспекторите рекоа дека возачот и неговиот колега го напуштиле камионот во селото Локорско, откако пронашле многу од 52-та мигранти во скриените делови од камионот онесвестени, а некои мртви.
Петмина од шестмината обвинети се во притвор, а по еден од осомничените шверцери, кој успеал да побегне од земјава е распишана европска потерница. Тој синџир шверцувал мигранти од турската граница преку Бугарија во Србија, од каде главно оделе во Британија, Германија и Франција.
Мигрантите најчесто завршуваат во Британија или Франција
Крајните дестинации на мигрантите се главно Велика Британија и Франција, додаде истражителот, велејќи дека просечната цена на патувањето е од 6.000 до 7.000 евра по лице. Бугарските шверцери добиваат дел од парите – возачите по 100 евра по мигрант што го превезуваат, а лидерот на групата 1000 евра по лице.
Поради илегалната миграција, барањето на Бугарија за влез во Шенген зоната беше блокирано од Австрија и Холандија во декември минатата година. Мигрантите често ја преминуваат надворешната граница на Европската унија на необележани премини за да избегнат да бидат регистрирани на официјалните гранични премини.
Границата може многу лесно да се помине со обична скала. Во 2017 година, Бугарија ја заврши изградбата на својата безбедносна жичка на надворешната граница на ЕУ со Турција.