Од воздух и копно противпожарните сили на Грција го гаснат пожарот што рано утрово избувна во шумски предел на Света Гора, во поширокото подрачје на еден од манастирите.
Заменик-управителот на Света Гора, Аристос Касмироглу за грчката телевизија Скај рече дека пожарот е во непрооден дел во близина на манастирот, но станува збор за шумски предел и манастирот не е во опасност.
#Πυρκαγιά σε δασική έκταση στην ευρύτερη περιοχή της Μονής Μεγίστης Λαύρας στο Άγιο Όρος. Κινητοποιήθηκαν επίγειες και εναέριες δυνάμεις.
— Πυροσβεστικό Σώμα (@pyrosvestiki) July 8, 2023
Паралелно изрази надеж дека огнените јазици брзо ќе бидат ставени под контрола.
Во гаснењето учествуваат четири авиони и еден хеликоптер, како и 11 возила со 43 пожарникари и три пешадиски тима.