Погодува милиони, а може да биде присутна и по зимата.
Ноќта помеѓу 28 и 29 октомври во 3 часот по полноќ ќе ги поместиме часовниците еден час наназад, односно на 2 часа. Деновите ќе бидат пократки, времето ќе биде постудено, а потоа може да се појават тажни мисли, нагрливост или чувство на безнадежност. Станува збор за зимската депресија. Сезонското афективно растројство подразбира дека човекот има добро ментално здравје во текот на целата година, додека психички не се чувствува добро во зимските денови. Тоа погодува милиони луѓе, особено од октомври.
„Повеќето луѓе ќе ги почувствуваат првите симптоми веќе во првите две недели од октомври, но сега симптомите се најлоши. Навистина треба да почнеме да ја сфаќаме оваа состојба многу посериозно бидејќи, ако не се лекува, може да уништи животи и да влијае на заболени долго откако зимата ќе заврши“, вели д-р Лин Крили, која е специјализирана за лекување на оваа состојба.
Што е сезонско афективно растројство?
Тоа е еден вид депресија која доаѓа и заминува по сезонски модел, односно во време кога поголемиот дел од денот е темно, а телото е помалку изложено на сончева светлина. Мажите имаат двојно поголема веројатност да развијат симптоми. Лекарот истакна дека симптомите може да се појават на која било возраст, вклучително и кај децата.
Таа додаде дека причината за сезонското афективно растројство е непозната, иако се смета дека тоа е ефектот на светлината врз деноноќниот ритам. Утврдено е дека оние кои страдаат од сезонско афективно растројство имаат пониски нивоа на серотонин, кој го регулира расположението и повисоки нивоа на мелатонин, кој ни помага да спиеме.
Симптоми
Најчестите симптоми на сезонско афективно растројство се губење на интерес за активностите во кои вообичаено уживаме, губење на либидото, проблеми со концентрацијата, зголемен апетит (особено потреба од јаглени хидрати) и поспаност.
Што помага?
Лекарите често истакнуваат дека помалото внесување на алкохол може да помогне во ублажување на симптомите, проследено со зголемена потрошувачка на темно чоколадо, масна риба, банани, месо, авокадо и јаткасти плодови.