Претседателот на Србија, Александар Вучиќ изјави дека тој не е Асад и дека нема да бега.
„Дури и да мислите дека сум Асад, па ќе избегам некаде – НЕ СУМ“, објави Вучиќ во понеделникот доцна навечер.
„Жив сум, цел живот живеам овде во Србија, благодарен сум на мојата Србија, ќе останам овде, ова е моето место каде ќе завршам. Ќе се борам за Србија и ќе му служам само на мојот, на српскиот народ и на сите други граѓани на Србија, никогаш на странците, никогаш на оние кои сакаат да ја поразат, понижат и уништат Србија“, напиша Вучиќ на својот Инстаграм профил во понеделник доцна навечер.
Вучиќ предупреди дека Србија е под притисок од различни страни и се обидуваат да ја соборат со сите можни хибридни средства.
„Само сакам да им порачам на оние кои мислат дека ќе ја урнат Србија, дека секогаш кога ќе помислат дека можат да сокријат колку ја мразат оваа земја, ќе ги откриеме сите детали за тоа колку пари се исплатени во деновите и неделите што следуваат. Детално колку пари се платени за уништувањето на Србија во претходните четири години. „Колку е платено Србија да не биде слободна и независна, да не одлучува сама, да не ја избира сопствената иднина, туку да слуша и да служи на некој друг“, најави Вучиќ.
„Никому нема да им служиме“, рече Вучиќ, „на сите оние кои се обидуваат да ја уништат Србија“.
Се надевам дека добро ме разбра. Толку сум одлучен и сигурен во тоа што ти го кажувам, што ти гарантирам дека никогаш нема да ја победиш Србија! Да живее Србија, нагласи Вучиќ.
