Вучиќ: Ова на граница беше глупаво и непотребно, не поради Северина за која мислам се најлошо!

Претседателот на Србија, Александар Вучиќ, во дневникот на телевизија Пинк зборуваше за приведувањето на Северина на граница.

„Сега ќе те изненадам со тоа што ќе кажам. Му се јавив на Дачиќ утрово, го разбудив, да видам што се случува со Северина. Ми рече така е и така е и тој ми кажа дека не била приведена, ја држеле два часа на граница, исто така мислам дека е многу глупаво и непотребно, не поради Северина, за која мислам се најлошо. Ние мора да се разликуваме од нив во сè. Бог да ме спаси од водење држава во која апсат секој што ги слуша песните на Томпсон. Сите нека си одат и Селма Бајрами. Тоа што ја мразат Србија зборува за нив самите“, рече Вучиќ. Тој рече дека во следните неколку дена ќе ги „брише списоците“.

„Денес во Србија нема никој што не реагирал од политичките партии и таканаречената демократска јавност. Затоа што има некој пејач кој вели дека Србија е геноцидна земја и дека јас сум диктатор и кој знае дека Србите се криминалци, но таа сака да зема пари, тие молчеа, ниту една комуникација не излезе за Немања Бериќ, тој 15 дена беше тепан и малтретиран“.

Потсетуваме, на Северина по разговорот и беше дозволен влез во Србија, но се врати во Хрватска. „Срби, ве сакам… и сакам што побрзо да станете демократски. Но, никогаш повеќе нема да дојдам во Србија додека овој човек не си замине од власт. Сите знаеме кој е тој“, рече Северина.