Бројот на позитивни случаи од направени тестови минатата недела е зголемен за 83%, покажуваат податоците од Министерството за здравство, кои ги анализираше ТВ21.
Најголем број на заразени се забележани на 10.10. кога е и рекордниот број од 393 лица за само 24 часа.
Предложените мерки утре на гласање
Во текот на утрешниот ден Владата ќе заседава и ќе одлучи кои од мерките кои минатата недела ги предложи Комисијата за заразни болести ќе ги прифати, а кои одбие.
Минатата недела Комисијата за заразни болести ѝ предложи на Владата да усвои:
- Задолжително носење на маска на отворено
- Забрана за групирање на јавен простор по 22 часот
- Ограничувањето на можноста на гости да ви дојат повеќе од 4 лица
Нови мерки?
Високиот процент на заразени во изминатите 24 часа кој изнесува дури 22,7% ќе се разгледува на утрешната седница наутро која ќе ја одржи Комисијата за заразни болести.
Бидејќи бројот на заразени е многу висок, нема да биде изненадување доколку во текот на утрешниот ден има и нови рестриктивни мерки за кои пак се зборуваше пред неколку денови.
Тоа е ограничување на работата на угостителските објекти до 22 часот, како и намалување на капацитетот на јавниот превоз.
.
