Премиерот Заев вели дека грешката на Тамара при вчерашниот настап на прославата на 4ти јули во американската амбасада во Скопје, е ненамерна.
„Нашата ѕвезда се извини на Фејсбук, амбасадата на САД исто. Тоа е пропуст. Химната се пее секој ден и секаде. Тоа потврдува дека е ненамерна грешка“, рече премиерот Зоран Заев.
Тамара вчера на прославата го изостави стихот каде што се споменуваат македонските револуционери, Гоце Делче, Питу Гули, Даме Груев и Јане Сандански. Македонската химна не се интонираше и при посетата на грчкиот премиер Алексис Ципрас.
Тогаш премиерот рече дека химната не била дел од програмата бидејќи целиот протокол доцнел па немало време за нејзина интонација.
Александар Спасовски
