Премиерот Зоран Заев попладнево преку Фејбук се заблагодари на Европскиот парламент за донесената одлука за итен почеток на преговори со Македонија и Албанија за старт на преговори со ЕУ.
„Домот на европската демократија повика дека проширувањето е инструмент од исклучително значење за дополнителна европеизација на земјите што природно и припаѓаат на Европската Унија. Македонскиот народ заедно со сите свои сограѓани Албанци, Турци, Роми, Срби, Власи, Бошњаци и други, ќе работиме уште повеќе за да си ја направиме земјата поубаво место за живеење, европско катче на мултиетничкиот Балкан. Европската Унија знае дека нашето место е во европското семејство. Ние сме и ќе бидеме подготвени за нивната позитивна одлука“, напиша Заев на Фејсбук.
