Премиерот на Република Македонија, Зоран Заев во интервју за Сител телевизија рече дека сѐ уште нема обезбедено 2/3 мнозинство за усвојување на уставните промени кои влегоа во третата фаза.
Заев појаснува дека секој амандман се утврдува со обично мнозинство, потоа се отвора општиот претрес, па претресот по текстови и секој амандман поединечно се гласа со двотретинско мнозинство. Потоа се гласа за сите амандмани заедно со двотретинско мнозинство и на крајот се отвора уставниот закон, за чие усвојување исто така е потребно двотретинско мнозинство.
