Светската туристичка организација на ОН со седиште во Мадрид, главниот град на Шпанија, објави дека бројот на меѓународни туристи се зголемил за 182 отсто на годишно ниво во првиот квартал од 2022 година.
Туристичкиот сектор, кој бележи голем пад во последните две години поради епидемијата на Ковид-19, почна забрзано да закрепнува со падот на бројот на случаи и хоспитализации поради ефектот на вакцинацијата.
СТООН објави дека бројот на меѓународни туристи достигна 117 милиони во периодот јануари-март 2022 година, што е зголемување за 182 отсто во споредба со истиот период од 2021 година.
Наведувајќи дека „намалувањето на ограничувањата за патување и зголемувањето на довербата поради Ковид-19 се главните причини за закрепнување на туристичкиот сектор“, СТООН нагласи дека Европа и Америка се на „водечка позиција“ во закрепнувањето на туризмот кога гледано по региони.
Според податоците, во првиот квартал од 2022 година, во однос на истиот период од 2021 година, бројот на меѓународни туристи е зголемен за 280 отсто во Европа и 117 отсто во Америка.
Меѓутоа, споредено со податоците во 2019 година, кога туризмот беше на рекордно ниво, беше споделено дека Европа заостанува зад 43 отсто, а Америка за 46 отсто.
Исто така, во споредба со 2021 година, во првиот квартал од 2022 година, забележан е пораст од 132 отсто на Блискиот Исток, 96 отсто во Африка и 64 отсто во Азија и Пацификот.
Светската туристичка организација, исто така, потсети дека од 2 јуни, ограничувањата за Ковид-19 се укинати во 45 дестинации во светот, од кои 31 се во Европа.
Нагласувајќи дека бројот на меѓународни туристи и приходите од туризмот се уште се за 61 отсто под нивоата од 2019 година, СТООН изјави дека „и покрај позитивните очекувања, тешката економска ситуација предизвикана од руско-украинската војна претставува ризик за заживување на меѓународниот туризам“.
