Ниските температури кои во текот на изминатите денови се присутни низ целата територија на Македонија, придонесоа за замрзнување на делови од Охридското Езеро крај струшкото крајбрежје.
Замрзна крајбрежјето на езерото во близина на „Женска плажа“ во Струга. Ниските температури кои ноќе достигнуваат и до минус 16 степени целзиусови доведоа до мрзнење и на поплитките делови од езерото кај Калишта, Радожда и во Охрид.
Замрзнати делови има и на акумулацијата „Глобочица“.