Рим е под строга безбедност за погребот на поглаварот на Римокатоличката црква.
Властите распоредија повеќе од 2.000 полицајци, вклучувајќи снајперисти и специјални сили.
Воздушниот простор над главниот град е затворен од полноќ во петок, додека полицајци од антитерористичката и антидронови служба, облечени во жолти елеци, се на терен. Полицајците ќе патролираат и низ метро системот, а снајперисти ќе бидат распоредени на покривите.
Дополнително, ќе бидат распоредени безбедносни сили на Ватикан, кои ќе дејствуваат независно, но во координација со римската полиција. Во Ватикан е формиран команден центар.