Земјотрес со јачина од 4,4 степени според Рихтеровата скала денеска ја погоди областа на вулканската калдера Кампи Флегреи кај Неапол во 5:51 часот, училиштата се затворени.
Потресот бил силно почувствуван во Неапол, како и на островите Искија и Процида во Неаполскиот залив, а бројни граѓани на социјалните мрежи објавиле дека биле разбудени од тресењето на земјата, пренесува АНСА.
Училиштата се затворени како мерка на претпазливост, додека службите за цивилна заштита вршат проверки.