Денес одбележуваме 26 години постоење општина Могила.
По тој повод беа одржани неколку свечености:
– Свечена седница на Советот на Општина Могила.
– Заедно со Советот и општинската администрација положивме свежо цвеќе на спомен бистите на значајни личности од историјата на Могила како што се Димче Могилчето, Цветков Парашкев, Захарија Василева Шумљанска и Иљо Лопатички.
– Главната свеченост започна со интонирање на химната на Република Македонија, рецитал изведен од учениците од трите основни училишта, а потоа членовите на играорните групи ја збогатија програмата со изведба на македонски ора и песни.
Советниците доделеја благодарници на истакнати личности и фирми кои изминатава година се истакнаа во своето работење и дадоа голем придонес за напредокот на Општина Могила во повеќе сегменти.
Наградата 12-ти септември беше доделена за изработката на идејното решение за грбот на Општина Могила.
Во 1997 година, Мишко Саботковски ги изработил идејните решенија, посебно за грб и посебно за знаме без никаков надомест. Денес грбот на Општина Могила како симбол на општината е нашироко прифатен, посебно кај нашите иселеници.
Претседателката на Совет Маргарита Груевска додели благодарници за освоени награди и признанија, за учеството на многубројни училишни натпревари и постигнатиот одличен успех, на најдобрите ученици во генерација.
Сакам на сите да ви се заблагодарам за соработката, поддршката и придонесот кон општина Могила.
Градиме чекор по чекор, работиме транспарентно и одговорно, а наша единствена цел е целокупен развој на општина Могила и подобрување на квалитетот на живот во сите населени места.
Твориме заеднички и секојдневно придонесуваме општина Могила да ја направиме подобро место за живеење на сите жители.
Во оштина Могила живеат луѓе кои си го почитуваат својот идентитет, јазик, култура и историја, и така горди со своето минато со сите сили ќе настојуваме да го сочуваме и да го пренесеме аманетот на идните генерации.
Нека ни е честит и за многу години 12-ти септември празникот на Општина Могила.
Да живее Општина Могила!
Да славиме уште многу години!