По завршувањето на првиот круг од локалните избори 2025, во 44 општини веќе се избрани градоначалници кои ќе раководат со нив во наредните четири години, при што најголем дел од победите им припаднаа на кандидатите на ВМРО-ДПМНЕ.
Во 33 општини ќе се одржи втор круг на гласање, закажан за 2 ноември.
Сè уште е неизвесно дали во Старо Нагоричане ќе има втор круг, каде кандидатот на ВМРО-ДПМНЕ, Мирослав Славковски, има 50% од гласовите при 99,83% преброени гласови. Исто така, е неизвесно дали во Гостивар ќе се исполнат условите за цензус, со оглед на тоа што недостасуваат само 24 гласа, а излезноста изнесува 33,31%.
Втора шанса ќе добијат кандидатите во Аеродром, Брвеница, Валандово, Виница, Дебарца, Демир Капија, Дојран, Зрновци, Карпош, Кичево, Конче, Кочани, Македонска Каменица, Македонски Брод, Могила, Неготино, Пробиштип, Ранковце, Чешиново-Облешево, Боговиње, Дебар, Долнени, Тетово, Крушево, Лозово, Росоман, Центар, Чучер Сандево, Струга, Шуто Оризари, Куманово, Студеничани и Град Скопје.
Градоначалници се веќе избрани во Берово, Битола, Босилово, Бутел, Василево, Вевчани, Велес, Гази Баба, Гевгелија, Ѓорче Петров, Градско, Делчево, Демир Хисар, Зелениково, Илинден, Јегуновце, Кавадарци, Карбинци, Кисела Вода, Кратово, Новаци, Ново Село, Охрид, Петровец, Пехчево, Прилеп, Радовиш, Ресен, Свети Николе, Сопиште, Струмица, Штип, Арачиново, Желино, Сарај, Теарце, Чаир, Богданци, Крива Паланка, Кривогаштани, Липково, Пласница и Чашка.
Ако се исполни условот за излезност од најмалку една третина, градоначалник ќе биде избран и во Гостивар.
