Новите сателитски снимки на турското езеро Туз можеби се шарени и интересни, но откриваат причина за голема загриженост.
Сателитот Сентинел-2, во сопственост на Европската вселенска агенција, сними снимки од езерото Туз, кое некогаш беше второ по големина во Турција.
Ова езеро целосно пресушило во период од само една година, а останала само солта.
Езерото Туз било едно од најголемите солени езера во светот, кое обично доаѓало и заминувало во зависност од годишните времиња. Сепак, повлекувањето во изминатиов период стана подоминантно, па водите се се помалку. Влијанието на земјоделството и климатските промени оставаат зад себе само огромно пространство на сол без вода.
Фотографијата беше анализирана како дел од програмата Коперник на ЕУ и откри во каква страшна состојба се наоѓа езерото Туз оваа година. Ова езеро, како и другите солени езера, се формира кога дното ја задржува влезната вода. Оваа вода носи сол и други минерали од потоци и реки, а потоа водата испарува и зад себе остава разни материјали. Езерото Туз се формира кога секоја пролет во него се наоѓаат дождовница и стопен снег.
Imágenes satelitales muestran que el segundo lago más grande de Turquía se ha secado https://t.co/gwgRGqQYik #science #satellite #Sentinel2 #climate #lake #Tuz #drought #Turkey #ClimateChange #GlobalWarming @CopernicusEU pic.twitter.com/CY8JFbsf99
— JM (@jm22381) November 3, 2021
Тоа е плитко езеро длабоко само еден метар, а водата сега испарува повеќе од кога било досега, оставајќи зад себе слој од 8 см сол. Оваа прекумерна количина ја подобри локалната индустрија во регионот, која вади околу 250 милиони тони резерви сол од езерото. Тоа е едно од најсолените езера во светот. Процентот на сол во ова езеро е 32 проценти, а ова езеро обезбедува неверојатни 60 проценти од солта што се користи во земјата, а многу повеќе се извезува во 60 други земји. Меѓутоа, како и сите други извори, и овој не е неисцрпен.
Наслагите на сол на езерото Туз бараат проток на вода, но со оглед на неговото повлекување во последниве години, извозот на сол може да забави. Има две причини, а тоа се климатските промени и големата суша. Познат е и проблемот со зголемен притисок врз земјоделството и индустријата, поради што се пренасочува повеќе вода.
Доколку не се направат значителни потези за зачувување на езерото, тоа би можело засекогаш да исчезне за 30 години.