На денешната 11-та седница, Владата на Република Северна Македонија ја донесе Уредбата за организацијата и функционирањето на единствениот комуникациско-информативен систем со единствен број на повикување во случај на ризици, опасности и други несреќи на целата територија на Републиката – Е-112, којашто е согласно чекорите и активностите коишто ги има Центарот за управување со кризи (ЦУК) заедно со европските имплементатори на бројот – системот .
Инаку, в петок, на 11.02.2022, на Европскиот денот на Европскиот број за итни случаи Е-112, со пригодна промотивна свеченост, во лично присуство и обраќања на високи претставници на Европа, Владата и ЦУК од Републиката, ќе биде одбележано официјалното пуштање во употреба на Е-112 и истовремено ќе се заокружи проектната Европска програма за негово воспоставување во нашата држава.
Е-112 има за цел да обезбеди континуитет на управувањето со итни повици, како унапредување на мерките и апликациите за навремено определување на локацијата со цел брза и навремена реакција на сите служби опфатени во системот за справување со кризи.
Е-112 исто така обезбедува брзина и ефикасност во постапувањето при итни повици за итни случаи за помош и се овозможува достапност до системот на сите лица на територијата на Република Северна Македонија, без надоместок од сите телефонски мобилни или фиксни оператори.