Меѓународниот комитет на Црвениот крст соопшти дека започнал процес за создавање безбеден коридор за евакуација на цивили во украинскиот град Мариупол, каде што продолжува опсадата на руските војници.
Портпаролот на МКЦК, Јуан Вотсон, на прес-конференцијата во канцеларијата на Обединетите нации (ОН) во Женева ја пренесе информацијата дека работниците на Црвениот крст во регионот се преселуваат во Мариупол за безбедно поминување.
„Ги добивме потребните дозволи и нашите тимови сега се на пат кон Мариупол. Се надеваме дека ќе биде воспоставен безбеден премин“, рече Вотсон.
Во објавата на Твитер профилот на Украинската канцеларија на МКЦК, беше објавено дека тимот на МКЦК е на пат кон Мариупол и се обидуваат да воспостават безбеден премин за евакуација на цивилите од регионот.
„Во регионот беа распоредени 40 илјади тони храна на големо“
Од друга страна, портпаролот на Светската програма за храна Томсон Фири, кој зборуваше на состанокот, изјави дека организацијата планира да обезбеди храна и парична помош за 3 милиони луѓе во Украина и рече: „Раположивме приближно 40 илјади тони храна на големо во регионот ќе се дистрибуира во Украина и околните земји“.
Фири истакна дека досега се поделени 330 илјади лебови на оние кои имаат потреба и дека во наредните денови ќе бидат поделени уште 990.000 лебови.
Изјавувајќи дека ја поддржуваат економијата на украинскиот народ, Фири рече дека во овој контекст, тимовите на Светската организација за храна во регионот купуваат храна и во Украина и ја дистрибуираат до оние на кои им е потребна.
Претседателот на Украина Владимир Зеленски објави дека 90 отсто од градот Мариупол е уништен, а градот е под опсада веќе 4 недели. Тој нагласи дека во регионот нема основни потреби како вода, храна и лекови.